صديقي العزيز لو بتسمع صوت ركبك وهي بتخبط في بعض من التوتر نتيجة لتاسك رخم وانت معاك بالفعل معلومات، لكن مش عارف تحطها في إطار وآلية تساعدك ومتخلكش تحس بالتوهان فعليك وعلى عايدة موديل، تطلع ايه وأعملها ازاي تعالى بينا نعرف.
عايدة موديل هي ببساطة نموذج مكون من أحرف AIDA كل حرف من دول انت بتوظفه مع المعلومات والأفكار اللي انت جمعتها، وهسيبلك تحت لينك إزاي تجيب أفكار لمحتواك، هتقولي مش فاهم حاجة.
هقولك بسيطة انا هقولك حروف AIDA وهحطلك ادامها تعمل فيها ايه:
- أول حرف A هتحط مكانه العنوان بتاعك. (عرفنا إزاي نعمل عنوان عظمة قبل كده).
- تاني حرف I هحط مكانه وصف المشكلة
- تالت حرف D هتحط مكانه الفوائد (عرفنا الفرق بين الفوائد والمزايا قبل كده)
- آخر حرف A هتحط مكانه الكول تو أكشن (هتكلم عنه في فيديو قريبًا)
كلام جميل وفهمت شكرًا أوي، بس بردو ممكن تديني مثال لـ AIDA أكون شاكر جدًا؟
بسيطة شوف ده:
- موقعك فيه مشاكل فالـ SEO ده "العنوان A".
- أرباحك بتقل ويعتبر مبقتش موجوده، موقعك اللي كان بيدخله زيارات وبيجبلك أرباح بقى أبيض يا ورد، طيب هتفضل كده لحد امتى؟ "المشكلةI "
- شركة سين بتقدملك خدمة السيو اللي مفيش زيه اتنين، هنخلي عناكب بحث جوجل حيوانك الأليف، وتبات في موقعك، وبالتالي هترانك وأرباحك تزيد وخزينتك المالية تنتعش "الفوائدD "
- لسه بتفكر؟ كلمنا دلوقتي والحق خصم 20% بمناسبة عيد الوطني السعودي، واطمن هنساعدك وهنخلي موقعك أحسن من الأول. "الكول تو أكشن A"
كده أظن الفكرة وصلت، مبروك عليك بقيت خطير في كتابة الكوبيز أو الكونتينت، ياريت لو تقولي رأيك وتشير البوست لو استفادت، أشوفك في بوست جديد وممكت تلف لفة في سرحان للمحتوى وهتلاقي مقالات هتعجلك.
ممكن مقال عن تركيبات كتابة المحتوى الثلاثة، ما عم لاقين بالمحتوى العربي
ردحذف