تخيل إنك قاعد مع زميل ليك وبتفهمه وجهة نظرك وعمال تدعمها بصور وبفيديو وبـ Case study وفي الآخر خالص زميلك ابتسملك 🙂 ابتسامة لطيفة
ووقف وعقد الحاجبين بعدها، وقالك إيه الرغي ده كله؟😠 أنا مكنش قصدي إني أتكلم عن الموضوع ده أصلاً، انت دخلتني في حوارات كتير ليه؟!
فانت أكيد حسيت بإحساس مش لطيف وبالإحراج، ولسه يدوب هترد عليه، فقام سابك ومشى🙄 وخلاك تفكر في كلامه وهو "أنا مكنش قصدي إني أتكلم عن الموضوع ده". 🤔
الموقف اللي فوق ده أعتقد انه ممكن يحصل لأي حد مبيهتمش بقصد ونية الزائر، وعلشان كده لازم تفهم القصد وراء نية الشخص اللي هيبحث عن الـ keywords بحيث ميبقاش القارئ أو العميل المحتمل بيبحث عن شيء، وأنا بتكلم عن حاجة تانية خالصة. 😁
لإن لو ده حصل جوجل هو اللي ممكن يكسفك ويمنع الزائر إنه يشوفك، لإنه مش مصلحته إنه يخلي القارئ أو العميل المحتمل يشوف محتوى يضيعله وقته.
الجملة اللي دايمًا بقولها وبذكرها أهم حاجة عند جوجل هي حل مشكلة الشخص اللي بيبحث وتلبية رغباته واحتياجاته.👌
فلازم نفهم كويس أوي قصد ونية الزائر اللي وراء الـ keywords، هتسألني وتقولي إيه هي أنواع النوايا للعملاء المحتملين أو الزوار؟ 🤔
بص يا سيدي نوايا وقصد العملاء المحتملين أو الزوار بتتقسم لـ 4 أقسام، وهنشرحهم ببساطة دلوقتي:
• Informational intent
نية الباحث هنا حصوله على معلومة، سواء سؤال بسيط زي الساعة كام دلوقتي؟ أو سؤال عميق في الفيزياء مثلاً.
• Navigational intent
نية الباحث هنا التصفح هو كتابة اسم موقع عاوز يدخل عليه زي يوتيوب أو فيسبوك مثلاً.
• Transactional intent
نية الباحث هنا هي شراء المنتج، راجل مخلص بعد مقرأ وجمع المعلومات وعرف المراجعات والمقارنات خلاص جاي داخل هيشتري.
• Commercial investigation
نية الباحث هنا هو حصوله على معلومات تخص المنتجات، يعني هنا الباحث نفسه يشتري منتج ما فبيقرأ عنه معلومات على أد ميقدر، وبيعمل مقارنة بين منتج والتاني وبيشوف المراجعات بتاعته بهدف الشراء فيما بعد. وهنبقى نتكلم عن رحلة العميل الشرائية فيما بعد.😉
طيب بعد معرفت القصد وراء الكيوردز، وعرفنا إن أهم حاجة لازم نعملها نلبي احتياجات ورغبات الزائر.
هنعمل ايه تاني علشان نكتب مقالة مختلفة وجوجل يبصلها بنظرة رضا وميكسفناش واحتمالية إنها ترانك تزيد ده اللي هنعرفه في البوست الجاي إن شاء الله.🤩
في الأخير يهمني أعرف رأيك في الكلام عن نية البحث هل شايفه مفيد ولا كلام تحصيل حاصل؟ 🤝أشوفك في بوست جديد وممكت تلف لفة في سرحان للمحتوى وهتلاقي مقالات هتعجلك.