في الآونة الأخيرة انتشرت منصات التجارة الإلكترونية
وهذا الأمر ساهم في ششششش.. خلينا نتكلم ببساطة شوية، الموضوع ده فتح باب رزق كبير
للكتاب المحتوى الأفاضل ومن ضمنهم أنا، وعلشان كده حبيت اشرح ازاي الواحد يقدر يتعامل
مع تريكات وحركات المنتجات في الـ Woocomeerce ، تعالوا بينا نشوف ايه اللي ممكن نعمله؟
"ملحوظة الشرح بسيط وفي تطبيق بالصور اللي انا واخدها
اسكرين شوت من شرح على اليوتيوب بأمانة يعني!"
قبل مبدأ عاوز أقول حاجة:
سبب الكونتت ده صحيت لقيت حد طالب كونتت رايتر للوكومريس
وكاتب الشروط دي، فقولت أنأنأ فيها وأحاول أوصل المعلومة بشكل مبسط ولطيف، وكمان
كان تحدي اني أكتب بالعامية، لأني مش أوي فيها بصراحة، يلا بينا نبدأ.
أول حاجة هدوس على New product:
دلوقتي انت عاوز تضيف منتج جديد علشان تبيعه صح مش كده؟ طيب
تفتكر هتعمل ايه أول حاجة؟ طبيعي هتدوس على New product.
تاني حاجة اختار اسم منتج مجنون جدًا. (جذاب ومميز):
برميوم يوجا تي شرت، شوفت الحلاوة؟
تالت حاجة اكتب وصف للمنتج:
الوصف هيكون عميق سيكا، مُضاف إليه تحابيش وكلام مُغري
في البداية، وفي منتصفه هيكون في قائمة هتجاوب عليها زي الجنس والخامة والفصل
والاستايل مثلاً. وفي النهاية هتأكد الكلام بعبارت قوية زي ناعمة وطرية وكلها حنيه
مثلاً! وخلاص كده شكرًا.
يعني هتعمل كده:
a.
كتابة أول صف من الوصف
بعدد كلمات يقدر بـ 11 كلمة مثلاً.
b.
كتابة ثاني صف من الوصف
عدد كلمات يقدر بـ 14 كلمة مثلاً.
c.
كتابة في قائمة التفاصيل
مثل الاستايل والجنس والخامة والفصل.
d.
إغلاق الوصف بكتابة 10
كلمات بعبارات قوية تدغدغ مشاعر العميل نحو ناعم مريح قوي.
رابع حاجه تعمل ايه لو المنتج بتاعك في ألوانات ومقاسات وكل لون بسعر مختلف؟
أول حاجه لازم تعملها انك تعمل مُتغير وتحدده وعلشان
تعمل ده هتمشي على الخطوات دي بالظبط:
1-
منproduct data هتختار ATTRIBUTES:
a.
ومنها هتختار ADD.
b.
ادخل اسم المتغير الأول سواء
كان "Size" أو color""
c.
قم بعلامة الصح لكلا
الصندوقين.
d.
كتابة المتغيرات وفصل
بينهم بـ |، ودي هتلاقيها فوق زر الـ ENTER مثال: S
| M
| X
| XL
e.
قم بالضغط على حفظ الـ ATTRIBUTES.
خامس حاجه هنختار VARIATION:
بعد مخلصنا تحديد المتغيرات سواء المقاس أو اللون، هنعمل
الخطوات دي:
1-
اختار VARIATION.
2-
اضغط على السهم لأسفل، CREATE VARIATION FROM ALL ATTRIBUTES
3-
اضغط على GO ومن ثم على OK.
4-
هتظهرلك متغيرات، وهتقدر
وقتها تغيير الصورة والسعر لكل منتج.
a.
فممكن تخلي التيشرت اللي
بالأزرق بسعر مختلف عن الباقي أو مقاس الـ XL بسعر أغلى من الـ S بمزاجك يعني.
5-
أضف السعر والصور لكل
المتغيرات.
6-
هتحفظ اللي عملته.
سادس حاجة هتضيف الوصف الرئيسي:
ببساطة ممكن تاخد أول سطرين، من الوصف الأول اللي كتبناها
قبل كده في الأول اللي هما مجموعهم 25 كلمة لو تفتكر، وهنضيفه ببساطة في خانة
الوصف دي، منها يفيدنا في الـ SEO بردو.
سابع وتامن حاجه الصور:
بص لو المنتج له صورة واحدها هتيضفها في خانة PRODUCT IMAGE لو أكتر من
صورة هتضيف أحلى صورة للمنتج في الـ PRODUCT IMAGE وباقي الصور هتضيفها في الـ PRODUCT GALLERY.
تاسع حاجه هتضيف تصنيف المنتج " PRODUCT GATEGORY"
ده ممكن تجيبه من اسم المنتج اللي كاتبينه في أول حاجه
ونخلي تصنيفه تيشرت مثلاً. "لها علاقة بالسيو"
عاشر حاجة والأخيرة هضيف التاجز:
والتاجز كذلك بتجيبه من اسم المنتج اللي كاتبينه في أول
حاجه. "لها علاقة بالسيو"
مبروك دلوقتي منتجك بقى جاهز علشان ينافس الكل، وخزينتك
المالية ستنتعش إن شاء الله بدون مقاطعة.
المصدر