ماذا يفعل المسكين لإنتاج محتوى جيد ومتين؟ 🤔

 

في برنامج من سيربح المليون كنت بلاقي ناس بتخسر أو حتى بتنسحب من غير متستخدم أي وسيلة مساعدة، وكان الأمر بالنسبالي لغز، ليه الواحد يعمل في نفسه كده أو حتى ميحاولش يجرب وسائل المساعدة! 🙄

دلوقتي وأنا كونتت كريتور لقيت نفسي بعمل زي أصحابنا اللي كنت بستغرب منهم دول🤦‍♂️ ، وهو إني بكتب كونتت من غير مستخدم أي أداة أو مواقع تساعدني على الرغم انهم مواقع مجانية.

الكونتت اللي بكتبه كان بيحقق هدفه، لكن بعدين اكتشفت وما زلت بكتشف أدوات لطيفة بتخلي الكونتت أحسن وبتسهل عليك وقت ومجهود، ايه بقى الأدوات دي، ده اللي هنكلم عنها النهاردة: 👌

 

1- الوحش الكبير canva ❤:

هيساعدك في إنك تعمل ديزاين لطيف جدًا وهتعرف توصل المسدج من خلاله ببساطة وبدون أي تعقيد.

2- وداعًا لمعاناة خلفية الصور مع Remove Image Background:

لو في صورة عجبتك في بنترست مثلاً، وحاسس انها ممكن تخدمك في كونتت بس لما تشيل الخلفية منها، بضغطتين كلك يمين بس هتعرف تشيلها.

3- عاوز تعرف الترند لأي دولة google trend:

ده قتل بحثًا يعني مش محتاج أتكلم عنه.

4-  Also AskedوAnswer the Public ✌

الموقعين دول مهمين جدًا لو هتعمل خطة لـ keyword معينة عاوز تمسكها، ببساطة هتكتبها هيطلعلك الأسئلة المتعلقة بالكيوردز، ييجي دورك في انك تغطيها بمقالات ومبروك عليك الرانك لو ظبطت باقي العوامل الكتير التانية واحتمال كمان تبقى authority niche website.

5- All my tweet: 😉

الموقع ده بالنسبالي كان مفاجأة، في السوق الخليجي منافسينك دايمًا هتلاقيهم في تويتر، فعلشان تشوف الكونتت المميز بتاعهم وتعلي عليه كنت بحس بمعاناة علشان أوصله، لكن الموقع ده هيخليلك توصل لـ 3500 تغريدة في الحساب اللي انت محدده!

 

هل كده المواقع والأدوات المساعدة خلصت؟ بالتأكيد لأ بس دول البداية وإن شاء الله هنزل باقية المواقع اللي بتسهل الدنيا عليا لإنتاج محتوى قوي ومتين. 😂

 

متنساش تقولي انت كمان ايه المواقع اللي مؤخرًا مبقتش تقدر تستغنى عنهم بحيث نجربها كلنا احنا كمان. 👏